विटा (प्रतिनिधी) : लोकनेते हणमंतराव पाटील चॅरिटेबल ट्रस्ट संचलित आदर्श इन्स्टिट्यूट ऑफ टेक्नॉलॉजी अँड रिसर्च सेंटर विटा येथे आयोजित कॅम्पस प्लेसमेंट ड्राईव्ह मध्ये एस जे कॉन्ट्रॅक्ट्स प्रा. लिमिटेड, बाणेर, पुणे या नामांकित कंपनीत 4 विद्यार्थ्यांची निवड झाली आहे, अशी माहिती कार्यकारी संचालक पी. टी. पाटील यांनी दिली.
पी. टी. पाटील म्हणाले, एस जे कॉन्ट्रॅक्ट्स ही कंपनी बांधकाम क्षेत्रातील 1990 पासून औद्योगिक, व्यावसायिक आणि निवासी बांधकाम प्रकल्पांना मोलाची जोड देणारी बांधकाम सेवा प्रदान करत आहेत. कॅम्पस प्लेसमेंट द्वारेअंतिम वर्षात शिक्षण घेत असतानाच आदर्शच्या तसेच इतर कॉलेजमधील आलेल्या विद्यार्थ्यांची झालेली ही निवड कौतुकास्पद आहे. या कंपनीचे सदस्य विट्या सारख्या ग्रामीण भागात येऊन गुणवत्तापूर्ण विद्यार्थ्यांना नोकरी मिळवण्यासाठी प्रयत्न करत आहेत महाविद्यालयाच्या ट्रेनिंग अँड स्किल डेव्हलपमेंटचा विद्यार्थ्यांना मुलाखतीसाठी उपयोग झाला. सर्व विभागप्रमुख, विभागातील प्लेसमेंट अधिकारी, सेंट्रल ट्रेनिंग अँड प्लेसमेंट अधिकारी प्रा. एन. एम. पाटील यांचे या विद्यार्थ्यांना सातत्यपूर्ण मार्गदर्शन लाभले.
या निवडीबद्दल संस्थेचे संस्थापक अध्यक्ष सदाशिवराव पाटील, संस्थेचे अध्यक्ष वैभव पाटील यांनी शुभेच्छा दिल्या. यावेळी महाविद्यालयाच्या संचालिका पूजा पाटील, संस्थेचे फायनान्स ऑपरेशन संचालक, रविराज सूर्यवंशी, प्राचार्य डॉ पी. एस. पाटील रजिस्ट्रार अजितसिंह चव्हाण उपस्थित होते.