वाळवा (प्रतिनिधी) : मसुचीवाडी उत्तर भाग सेवा सोसायटीच्या चेअरमन पदी श्री. हौसेराव भाऊसो कदम यांची बिनविरोध निवड झाली तर व्हा.चेअरमन पदी पुन्हा एकदा चाँद गुलाब पठाण यांना संधी देण्यात आली. मावळते चेअरमन संभाजी पवार यांच्या हस्ते नुतन चेअरमन, व्हाईस चेअरमन यांचा सत्कार करण्यात आला.
मसुचीवाडी उत्तर भाग सेवा सोसायटी ची निवडणूक गत वर्षी पार पडली तेंव्हा पासून संस्थेने खूप चांगले काम केले आहे. यावेळी तरुणाला चेअरमन पदाची संधी देऊन संचालक मंडळाने प्रोत्साहन दिले आहे.
निवडीनंतर बोलताना नूतन चेअरमन म्हणाले, येणाऱ्या कालखंडात संस्थेच्या सभासदांबरोबरच संस्थेच्या हिताचे निर्णय सर्व संचालक मंडळाला सोबत घेऊन घेतले जातील. यावेळी संस्थेचे सर्व संचालक, मार्गदर्शक, सभासद, सेक्रेटरी सेवक व कार्यकर्ते उपस्थित होते. निवडणूक निर्णय अधिकारी म्हणून साळवी साहेब यांनी कामकाज पाहिले.